Über uns

Millennium 2000, Dr Grundstei vomene neue Joortuusig und dr Grundstei vo dr Guggemusig Revoluzzer. Mit numme 12 Lüt isch d Gugge unter em Name «D’Revoluzzer» s erste Mol an dr Fasnacht 2000 uf dr Hauptstross am Aescher Umzug uf de Bei gsi. Zwar sind sie dr Umzug nonig musizierend marschiert, defür hend sie am Obe in de Beize mit ihrne Instrument für usglasseni Stimmig gsorgt. Die neui Gugge vo Aesch hed sehr schnell neui Mitglieder gfunde und so sind D’Revoluzzer 2001 scho 16 aktivi Mitglieder gsi und hend dr Umzug au musikalisch und miteme eigene Kostüm, em Stier begleitet.

D'Revoluzzer 2000 Logo

So sind d’Joore vergange und es hed einigi Wächsel gäh unter de Mitglieder. Noch 5 verschiedene Kostüm hän mir 2010 endlich unser Jubiläum chönne fiire. Mit unserer «Revoluzzion» hän mir die ganzi Löhrenacker-Halle in Aesch zum tobe brocht.

r

Mit de Joore isch au s musikalische Niveau gstiege und unser Liederrepertoire het sich immer wieder gwandlet. Gli werde mir bereits unser 20ste Jubiläum fiire, doch bis denn wird no viel passiere. Sig au drbi und gstalt unseri Zuekunft mit dim musikalische Talent und dim hammer Charakter mit.

858227_215900471885650_65041100_o